** ပိုးထိတဲ့မြွှေ **

မျက်စိမှိတ်ထားတဲ့ပန်း
အဖြူရောင် ၀တ်ရည်အပြည့်

သုံးသပ်မှုတွေ ဆွံအနေတဲ့
လက်သုံးတော် ခေါင်းတစ်လုံးနဲ့
အငြင်းဝါကျတွေကို သုတ်သင်လေရဲ့ . . . . .

ကျီးတစ်ကောင်ရဲ့အတ္တ
ငှက်ယောင်ဆောင်တဲ့တိမ်
ရင့်ကျတ်ခြင်းမဲ့ ရင်ဘတ်ကို
ငုံ့မကြည့်တတ်တဲ့ အတွေ့အကြုံရဲ့
မျက်တောင်တစ်ချက်နဲ့တင် ၀တ်ရည်စက်လက် . . .

တစ်ခြမ်းပဲ့ကတိများ
မျက်ရည်နဲ့လဲရတဲ့ပီတိတွေ
ပွင့်ဖတ်တွေက ဆန့်ကျင်တိုင်း
ကွပ်မျက်တတ်တဲ့
တစ်ဖက်စွန်း ကိုးကွယ်ခြင်းရဲ့ အရောင်ရင့်ရင့် . . . .

နာကြည်းမှုမရှိတဲ့အငြိုး
ရိုးသယောင်နဲ့ မိုးဖြိုမတက်
ကျောခိုင်းထားတဲ့ ကြက်ခြေခတ်တွေ
ရမ္မက်နဲ့ ခပ်ခွာခွာနေပေးဖို့အတွက်
ကုသိုလ်မရတဲ့ ဒသနအချို့ သီကျူးတယ် . . . . . .

ရနံ့မဲ့ပန်းတစ်ပွင့်အဖြစ်
ငိုကြွေးခြင်းနဲ့ သရုပ်ဖေါ်နေတဲ့
အဖြူရောင် နောက်ကွယ်က
ရောင်စုံအစွန်းအထင်းတွေ
မျက်ရည်နဲ့ စင်ကြယ် နိုင်ပါမလား . . . . . .

ခန္ဒာကိုယ်ထဲကတိုက်ပွဲ
အချိန်လွန်သွားတဲ့အဖြေမှန်
ဆေးမမှီတဲ့ နောင်တ
နောက်ဘက်ကအမည်းနဲ့
အရောင်မသိတဲ့ အရှေ့ဘက်ကြားမှာ
ညီမျှခြင်းတွေ ရေးခြစ်နေခြင်းဖြင့်
ကျေအေးခြင်းမလိုတဲ့ လျော်ကြေးတစ်ခု
လူလားမြောက်ခဲ့ပြီပေါ့လေ. . . . . .


ရင်နင့်သူ